ಗುಂಡಾಲ್ ಅಣೆಕಟ್ಟು ಕರ್ನಾಟಕದ ಚಾಮರಾಜನಗರ ಜಿಲ್ಲೆಯ ಕೊಳ್ಳೇಗಾಲ ತಾಲೂಕಿನ ಬಳಿಯಿರುವ ಒಂದು ಸಣ್ಣ ಜಲಾಶಯ. ಎರಡು ಬೆಟ್ಟಗಳ ನಡುವೆ ಈ ಅಣೆಕಟ್ಟನ್ನು ನಿರ್ಮಿಸಲಾಗಿದೆ. ಬೆಟ್ಟಗಳ ನಡುವೆ ನೆಲೆಗೊಂಡಿರುವ ಇದು ಸುಂದರವಾದ ನೋಟಗಳಿಂದ ಕೂಡಿದ ಪ್ರದೇಶವಾಗಿದೆ.
ಈ ಆಣೆಕಟ್ಟು ಬೆಂಗಳೂರಿನಿಂದ 155 ಕಿ.ಮೀ ಮತ್ತು ಮೈಸೂರಿನಿಂದ ಸುಮಾರು 79 ಕಿ.ಮೀ, ಹಾಗೂ ಕೊಳ್ಳೇಗಾಲದಿಂದ 17 ಕಿ.ಮೀ ದೂರದಲ್ಲಿದೆ. ಕೊಳ್ಳೇಗಾಲದಿಂದ ಮಲೆ ಮಹದೇಶ್ವರ ಬೆಟ್ಟಕ್ಕೆ ಹೋಗುವ ದಾರಿಯಲ್ಲಿ 12 ಕಿ.ಮೀ ಕ್ರಮಿಸಿದ ನಂತರ ಬಲಕ್ಕೆ ತಿರುಗಿ 05 ಕಿ.ಮೀ ಪ್ರಯಾಣ ಮಾಡಿದರೆ ಈ ಜಲಾಶಯವನ್ನು ತಲುಪಬಹುದು.
ಗುಂಡಾಲ್ ಅಣೆಕಟ್ಟು ವೀಕ್ಷಿಸಲು ಮಾನ್ಸೂನ್ ಮತ್ತು ಚಳಿಗಾಲದಲ್ಲಿ ಭೇಟಿ ನೀಡಲು ಉತ್ತಮ ಸಮಯ. ಈ ಸಮಯದಲ್ಲಿ ಬೆಟ್ಟಗಳು ಹಸಿರಿನಿಂದ ಕೂಡಿರುತ್ತವೆ. ಇಲ್ಲಿ ಅಣೆಕಟ್ಟೆನ ಮೇಲೆ ನಡೆದಾಡಲು ಯಾವುದೇ ಅಬಿಯಂತರ ಇಲ್ಲ. ಅಣೆಕಟ್ಟಿನ ಮೇಲೆ ನಡೆದಾಡುವಾಗ ಉತ್ತಮ ಅನುಭವ ಹಾಗು ಉತ್ತಮ ಸೌಂದರ್ಯವನ್ನು ನೀಡುತ್ತದೆ. ಆಸುಪಾಸಿನಲ್ಲಿ ಕೆಲವು ಪಕ್ಷಿಗಳನ್ನು ಮತ್ತು ಬಾತುಕೋಳಿಗಳನ್ನು ನೋಡುವ ಅವಕಾಶವೂ ಸಿಗುತ್ತದೆ.
ಭೇಟಿ ನೀಡಿ
ಭೇಟಿ ನೀಡಿ
