ಪುರಾತನ ಶ್ರೀ ಸೋಮೇಶ್ವರ ದೇವಸ್ಥಾನವು ಕರ್ನಾಟಕ ರಾಜ್ಯದ ಕೋಲಾರ ಜಿಲ್ಲೆಯ ಮುಳಬಾಗಿಲು ತಾಲ್ಲೂಕಿನ ಕುರುಡುಮಲೆ ಗ್ರಾಮದಲ್ಲಿರುವ ಐತಿಹಾಸಿಕ ದೇವಾಲಯವಾಗಿದೆ. ಈ ಊರು ಚೋಳರ ಕಾಲದ ಶಿಲ್ಪಕಲೆಯುಳ್ಳ ದೇವಾಲಯಗಳಿಗೆ ಪ್ರಸಿದ್ಧವಾಗಿದೆ. ಸುಮಾರು 1300 ವರ್ಷಗಳ ಇತಿಹಾಸ ಹೊಂದಿರುವ ಕುರುಡುಮಲೆ ಶ್ರೀ ಪ್ರಸನ್ನ ಸೋಮೇಶ್ವರ ದೇವಸ್ಥಾನವು ಯಾವುದೇ ಅಡಿಪಾಯವಿಲ್ಲದೆ ಬಂಡೆಯ ಮೇಲೆಯೇ ನಿರ್ಮಿಸಲ್ಪಟ್ಟಿರುವುದು ಇದರ ವಿಶೇಷತೆಯಾಗಿದೆ. ದೇವಾಲಯದ ಆವರಣದ ಎಡಭಾಗದಲ್ಲಿ ಕ್ಷಮದಾಂಬ ದೇವಿಯ ದೇವಾಲಯವೂ ಇದೆ.
ಕುರುಡುಮಲೆ ಶ್ರೀ ಸೋಮೇಶ್ವರನ ದೇವಸ್ಥಾನದ ದೂರಗಳು
- ಬೆಂಗಳೂರು – 104 ಕಿ.ಮೀ
- ಕೋಲಾರ – 35 ಕಿ.ಮೀ
- ಮುಳಬಾಗಿಲು – 10 ಕಿ.ಮೀ
- ಕೋಲಾರ ರೈಲ್ವೆ ನಿಲ್ದಾಣ – 35 ಕಿ.ಮೀ
- ಬೆಂಗಳೂರು ವಿಮಾನ ನಿಲ್ದಾಣ – 106 ಕಿ.ಮೀ
ಇತಿಹಾಸ
ಸೋಮೇಶ್ವರ ವಿಗ್ರಹವನ್ನು ಕೌಂಡಿನ್ಯ ಮಹರ್ಷಿಗಳು ಸ್ಥಾಪಿಸಿದರು. ಈ ದೇವಾಲಯಕ್ಕೆ ಭೇಟಿ ನೀಡುವುದು ಕಾಶಿಗೆ ಭೇಟಿ ನೀಡಿದಷ್ಟೇ ಪುಣ್ಯಕರವೆಂದು ನಂಬಲಾಗಿದೆ. ಸುಮಾರು 1300 ವರ್ಷಗಳ ಹಿಂದೆ, 7ನೇ ಶತಮಾನದಲ್ಲಿ, ಚೋಳ ಸಾಮ್ರಾಜ್ಯದ ಅವಧಿಯಲ್ಲಿ ಜಕಣಾಚಾರಿ ಎಂಬ ಪ್ರಸಿದ್ಧ ಶಿಲ್ಪಿಯವರು ದೇವಾಲಯದ ನಿರ್ಮಾಣ ಕಾರ್ಯವನ್ನು ಆರಂಭಿಸಿದರು. ಮಧ್ಯದಲ್ಲಿ ನಿರ್ಮಾಣ ಕಾರ್ಯ ನಿಂತುಹೋಗಿದ್ದರಿಂದ, ನಂತರ ಅವರ ಮಗ ಡಂಕಣಾಚಾರಿ ಅದನ್ನು ಪೂರ್ಣಗೊಳಿಸಿದರು.
ಈ ದೇವಾಲಯವನ್ನು ದ್ರಾವಿಡ ಶೈಲಿಯಲ್ಲಿ ನಿರ್ಮಿಸಲಾಗಿದ್ದು, ಅದರ ಮೇಲಿನ ಕೆತ್ತನೆಗಳು ಅತ್ಯಂತ ಸುಂದರವಾಗಿವೆ. ಸುತ್ತಮುತ್ತ 15ರಿಂದ 20ಕ್ಕೂ ಹೆಚ್ಚು ದೇವಾಲಯಗಳಿದ್ದರೂ, ಅವು ಕಾಲಕ್ರಮೇಣ ನಾಶವಾಗಿವೆ ಎಂದು ಹೇಳಲಾಗುತ್ತದೆ. ಇದಕ್ಕೆ ಪುರಾವೆಯಾಗಿ ಸೋಮೇಶ್ವರ ದೇವಾಲಯದ ಆವರಣದ ಪಕ್ಕದಲ್ಲಿರುವ ಎರಡು ದೇವಾಲಯಗಳ ಅವಶೇಷಗಳನ್ನು ನೋಡಬಹುದು. ಸುತ್ತಮುತ್ತಲಿನ ಅನೇಕ ವಿಗ್ರಹಗಳನ್ನು ಈಗ ಸೋಮೇಶ್ವರ ದೇವಸ್ಥಾನದಲ್ಲೇ ಸಂಗ್ರಹಿಸಲಾಗಿದೆ.
ಭೇಟಿ ನೀಡಿ