ಕನಕಗಿರಿ ಜೈನ ತೀರ್ಥವು ಕರ್ನಾಟಕ ರಾಜ್ಯದ ಚಾಮರಾಜನಗರ ಜಿಲ್ಲೆಯ ಕೊಳ್ಳೇಗಾಲ ತಾಲೂಕಿನಲ್ಲಿ ಇರುವ ಕಾಳಸರ್ಪದೋಷ ಪರಿಹಾರ ಪೂಜೆ ನಡೆಯುವ ಜೈನ ಕೇಂದ್ರಗಳಲ್ಲಿ ಏಕೈಕ ಸ್ಥಳ. ಕನಕಗಿರಿಯನ್ನು ಪ್ರಾಚೀನ ಜೈನ ಸಾಹಿತ್ಯದಲ್ಲಿ ಹೇಮಾಂಗ ದೇಶ ಎಂದು ಕರೆಯಲ್ಪಡುವ ಪ್ರಮುಖ ಜೈನ ಯಾತ್ರಾ ಕೇಂದ್ರಗಳಲ್ಲಿ ಒಂದಾಗಿದೆ. ಕಾಳಸರ್ಪದೋಷ ಪೂಜೆಯನ್ನು ಮಾಡಲು ಅಸಂಖ್ಯಾತ ಭಕ್ತರು, ಜೈನ ಮತ್ತು ಹಿಂದೂಗಳು ಇಲ್ಲಿಗೆ ಆಗಮಿಸುತ್ತಾರೆ. ಕನಕಗಿರಿ ದೇವಾಲಯವು ಕೋಟೆಯಲ್ಲಿ ಸುತ್ತುವರಿದ ಪ್ರದೇಶವಾಗಿದೆ.
ಕನಕಗಿರಿ ಜೈನ ತೀರ್ಥವು (ಕನಕಗಿರಿ ಬೆಟ್ಟ) ಬೆಂಗಳೂರಿನಿಂದ 199 ಕಿ.ಮೀ ಮತ್ತು ಮೈಸೂರಿನಿಂದ ಸುಮಾರು 54 ಕಿ.ಮೀ ದೂರದಲ್ಲಿದೆ. ಹಾಗೂ ಚಾಮರಾಜನಗರದಿಂದ 26 ಕಿ.ಮೀ ಮತ್ತು ನಂಜನಗೂಡುನಿಂದ 32 ಕಿ.ಮೀ ದೂರದಲ್ಲಿದೆ.
ಕನಕಗಿರಿ ಜೈನ ತೀರ್ಥದಲ್ಲಿ ದರ್ಶನದ ಸಮಯ ಬೆಳ್ಳಿಗ್ಗೆ 8:00 ರಿಂದ ಸಂಜೆ 5:00 ರವರೆಗೆ.
ಕನಕಗಿರಿ ದೇವಾಲಯವು ನಾಲ್ಕು ಮುಖ್ಯ ಭಾಗಗಳನ್ನು ಹೊಂದಿದೆ. ಅವುಗಳೆಂದರೆ ಮುಖಮಂಟಪ, ನವರಂಗ, ಸುಖನಾಸಿ ಮತ್ತು ಗರ್ಭಗೃಹ. ಈ ದೇವಾಲಯದ ವಿಶಿಷ್ಟ ವೈಶಿಷ್ಟ್ಯವೆಂದರೆ ಇದು ಐದು ಪ್ರಮುಖ ದೇವತೆಗಳನ್ನು ಒಟ್ಟಿಗೆ ಹೊಂದಿದೆ. ಭಗವಾನ್ ಪಾರ್ಶ್ವನಾಥ, ಪದ್ಮಾವತಿ ದೇವಿ, ಜ್ವಾಲಾಮಾಲಿನಿ ದೇವಿ, ಕೂಷ್ಮಾಂಡಿನಿ ದೇವಿ ಮತ್ತು ಕ್ಷೇತ್ರಪಾಲ ಬ್ರಹ್ಮ ಯಕ್ಷ. ಗರ್ಭಗೃಹದಲ್ಲಿ ಭಗವಾನ್ ಪಾರ್ಶ್ವನಾಥರಿದ್ದರೆ ಸುಖನಾಸಿಯಲ್ಲಿ ಉಳಿದವರು ಇದ್ದಾರೆ.
350 ಮೆಟ್ಟಿಲುಗಳ ಬೆಟ್ಟದ ಮೇಲಿನ ಮುಖ್ಯ ದೇವಾಲಯವು ಕೋಟೆಯಲ್ಲಿ ಸುತ್ತುವರಿದಿದೆ, 5ನೇ ಶತಮಾನದಲ್ಲಿ ಜೈನ ಸಂತ ಆಚಾರ್ಯ ಪೂಜ್ಯಪಾದರು ಇಲ್ಲಿ ಮಠವನ್ನು ಸ್ಥಾಪಿಸಿದರು. ಭಗವಾನ್ ಮಹಾವೀರರು ತಮ್ಮ ದಕ್ಷಿಣದ ಪ್ರಯಾಣದ ಸಮಯದಲ್ಲಿ ಈ ಸ್ಥಳಕ್ಕೆ ಭೇಟಿ ನೀಡಿದ್ದರು ಎಂದು ನಂಬಲಾಗಿದೆ. ಇತಿಹಾಸದಲ್ಲಿ ಭಗವಾನ್ ಮಹಾವೀರರು ಸಮವರಣ ದಿವ್ಯ ಸಭೆ ನಡೆಸಿದ ಪುರಾವೆಗಳಿವೆ.
ಮೈಸೂರು ರಾಜಮನೆತನದ ರಾಣಿ ದೇವೆರಮ್ಮಣ್ಣಿ ಒಮ್ಮೆ ಕಾಲಸರ್ಪದೋಷದಿಂದ ಬಳಲುತ್ತಿದ್ದರು ಮತ್ತು ಇಲ್ಲಿನ ದೇವಿಯರನ್ನು ಪೂಜಿಸಿ ಪರಿಹಾರವನ್ನು ಕಂಡುಕೊಂಡರು ಎಂದು ಹೇಳಲಾಗುತ್ತದೆ. ಆದ್ದರಿಂದ ಅವರು ಈ ದೇವಾಲಯಕ್ಕೆ ಧರಣೇಂದ್ರ ಮತ್ತು ಪದ್ಮಾವತಿ ಆಕೃತಿಗಳನ್ನು ಹೊಂದಿರುವ ಹಾವಿನ ಹೆಡೆಯ ವಿಶಿಷ್ಟ ವಿಗ್ರಹವನ್ನು ನೀಡಿದರು. ವಿಗ್ರಹವನ್ನು ಪ್ರಸ್ತುತ ಸುಖನಾಸಿಯಲ್ಲಿ ಇರಿಸಲಾಗಿದೆ. 24 ತೀರ್ಥಂಕರರ 3 ದೇವಾಲಯಗಳಿವೆ ಮತ್ತು ಬಾಹುಬಲಿಯ 18 ಅಡಿ ಏಕಶಿಲಾ ವಿಗ್ರಹವನ್ನೂ ಒಳಗೊಂಡಿದೆ. ಬೆಟ್ಟದ ಮೇಲೆ ಜೈನ ಸಂತರು ಧ್ಯಾನ ಮಾಡಿದ ಗುಹೆಗಳಿವೆ. ಬೆಟ್ಟದ ಮೇಲೆ ಜೈನ ಮುನಿಗಳು ಧ್ಯಾನ ಮಾಡಿದ ಕೆಲವು ಗುಹೆಗಳೂ ಇವೆ.
ಕೋಟೆಯ ಆವರಣದ ಹೊರಗೆ ಸಣ್ಣ ಸ್ತೂಪಗಳ ಒಳಗೆ ಎಲ್ಲಾ ಇಪ್ಪತ್ತನಾಲ್ಕು ತೀರ್ಥಂಕರರ ಪಾದದ ಗುರುತುಗಳಿವೆ. ಅವು ಬೆಟ್ಟದ ಉದ್ದಕ್ಕೂ ಹರಡಿಕೊಂಡಿವೆ. ಈ ಸ್ಥಳದಿಂದ ವೀಕ್ಷಣೆಗಳು ಅದ್ಭುತವಾಗಿದೆ ಮತ್ತು ತಂಪಾದ ಗಾಳಿಯು ಉಲ್ಲಾಸಕರವಾಗಿದೆ.
ಭೇಟಿ ನೀಡಿ