ಗುಡಿಬಂಡೆ ಕೋಟೆವು ಕರ್ನಾಟಕ ರಾಜ್ಯದ ಚಿಕ್ಕಬಳ್ಳಾಪುರ ಜಿಲ್ಲೆಯ ಗುಡಿಬಂಡೆ ತಾಲ್ಲೂಕಿನ ಹೃದಯಭಾಗದಲ್ಲಿರುವ ಐತಿಹಾಸಿಕ ಕೋಟೆಯಾಗಿದೆ. ಈ ಕೋಟೆಯನ್ನು 17ನೇ ಶತಮಾನದಲ್ಲಿ, ಸುಮಾರು 400 ವರ್ಷಗಳ ಹಿಂದೆ, ಸ್ಥಳೀಯ ಪಾಳೇಗಾರ ಹಾಗೂ ಮುಖ್ಯಸ್ಥ ಹಾವಳಿ ಭೈರೇಗೌಡರು ನಿರ್ಮಿಸಿದರು.
ಹಾವಳಿ ಭೈರೇಗೌಡರು ಕ್ರಿ.ಶ. 17ನೇ ಶತಮಾನದ ಮಧ್ಯಭಾಗದಲ್ಲಿ ಗುಡಿಬಂಡೆ ಹಾಗೂ ಸುತ್ತಮುತ್ತಲಿನ ಪ್ರದೇಶವನ್ನು ಆಳಿದ ಪ್ರಸಿದ್ಧ ಪಾಳೇಗಾರರಾಗಿದ್ದರು. ಅವರು ನಾಡಪ್ರಭು ಕೆಂಪೇಗೌಡರ ವಂಶಕ್ಕೆ ಸೇರಿದ ಮೊರಸು ಒಕ್ಕಲಿಗ ಪಾಳೇಗಾರರ ಮನೆತನದ ಪ್ರಮುಖರಾದವರು ಎಂದು ಐತಿಹಾಸಿಕ ಉಲ್ಲೇಖಗಳಲ್ಲಿ ತಿಳಿದುಬರುತ್ತದೆ.
ಗುಡಿಬಂಡೆ ಕೋಟೆಯ ದೂರಗಳು
- ಬೆಂಗಳೂರು – 92 ಕಿ.ಮೀ
- ಚಿಕ್ಕಬಳ್ಳಾಪುರ – 33 ಕಿ.ಮೀ
- ಗುಡಿಬಂಡೆ – 1 ಕಿ.ಮೀ
- ಗೌರಿಬಿದನೂರು ರೈಲ್ವೆ ನಿಲ್ದಾಣ – 30 ಕಿ.ಮೀ
- ಚಿಕ್ಕಬಳ್ಳಾಪುರ ರೈಲ್ವೆ ನಿಲ್ದಾಣ – 34 ಕಿ.ಮೀ
ಈ ಕೋಟೆಯು ಏಳು ಹಂತಗಳನ್ನು ಹೊಂದಿದ್ದು, ತುರ್ತು ಸಂದರ್ಭಗಳಲ್ಲಿ ಸೈನಿಕರು ಸುರಕ್ಷಿತವಾಗಿ ಸಂಚರಿಸಲು ಮತ್ತು ಪಾರಾಗಲು ಅನುಕೂಲವಾಗುವಂತೆ ಪರಸ್ಪರ ಸಂಪರ್ಕ ಹೊಂದಿರುವ ಗುಪ್ತ ಮಾರ್ಗಗಳನ್ನು ಒಳಗೊಂಡಿದೆ.
ಕೋಟೆಯ ಶಿಖರದಲ್ಲಿ “ಶ್ರೀ ರಾಮೇಶ್ವರ ದೇವಾಲಯ” ಎಂಬ ಪ್ರಾಚೀನ ಶಿವಾಲಯವಿದೆ. ಸ್ಥಳೀಯ ನಂಬಿಕೆಯ ಪ್ರಕಾರ, ಈ ದೇವಾಲಯದಲ್ಲಿರುವ ಶಿವಲಿಂಗವು 108 ಜ್ಯೋತಿರ್ಲಿಂಗಗಳಲ್ಲಿ ಒಂದೆಂದು ಪರಿಗಣಿಸಲಾಗುತ್ತದೆ ಹಾಗೂ ಇದನ್ನು ಮಹರ್ಷಿ ವಿಶ್ವಾಮಿತ್ರರು ಮತ್ತು ಶ್ರೀರಾಮರು ಪ್ರತಿಷ್ಠಾಪಿಸಿದರು ಎಂದು ಹೇಳಲಾಗುತ್ತದೆ.
ದೇವಾಲಯದ ವಾಸ್ತುಶಿಲ್ಪವು ಗಮನಾರ್ಹವಾಗಿದ್ದು, ಚೌಕಾಕಾರದ ತಳಹದಿಯ ಮೇಲೆ ನಿರ್ಮಿಸಲಾದ ಬಲಿಷ್ಠ ಕಲ್ಲಿನ ಸ್ತಂಭಗಳು ಸುಂದರವಾದ ಕೆತ್ತನೆಗಳು ಮತ್ತು ಶಿಲ್ಪಗಳಿಂದ ಅಲಂಕರಿಸಲ್ಪಟ್ಟಿವೆ.
ಕೆಂಪೇಗೌಡರ ವಂಶವೃಕ್ಷ
ಪ್ರಸ್ತುತ ಲಭ್ಯವಿರುವ ಕೆಲವು ಶಾಸನಗಳು ಮತ್ತು ಸ್ಥಳೀಯ ಐತಿಹಾಸಿಕ ಉಲ್ಲೇಖಗಳ ಪ್ರಕಾರ, ನಾಡಪ್ರಭು ಕೆಂಪೇಗೌಡರ ವಂಶವೃಕ್ಷವು ರಣಭೈರೇಗೌಡರಿಂದ ಆರಂಭವಾಗುತ್ತದೆ ಎಂದು ಹೇಳಲಾಗುತ್ತದೆ. ರಣಭೈರೇಗೌಡರು ಇಂದಿನ ತಮಿಳುನಾಡು ಪ್ರದೇಶದಿಂದ ದೇವನಹಳ್ಳಿ ತಾಲ್ಲೂಕಿನ ಆವತಿ ಗ್ರಾಮಕ್ಕೆ ವಲಸೆ ಬಂದಿದ್ದರು ಎಂದು ತಿಳಿದುಬರುತ್ತದೆ.
ಸ್ಥಳೀಯ ಸಂಪ್ರದಾಯದ ಪ್ರಕಾರ, ರಣಭೈರೇಗೌಡರಿಗೆ ಮಲ್ಲಭೈರೇಗೌಡ, ಸಣ್ಣ ಭೈರೇಗೌಡ, ವೀರೇಗೌಡ, ಮರೀಗೌಡ, ಗಿಡ್ಡೇಗೌಡ, ತಮ್ಮೇಗೌಡ ಹಾಗೂ ಗಿಟ್ಟಪ್ಪಗೌಡ ಎಂಬ ಏಳು ಸಹೋದರರಿದ್ದರು. ರಣಭೈರೇಗೌಡರಿಗೆ ಜಯಗೌಡ, ಸಣ್ಣ ಭೈರೇಗೌಡ ಮತ್ತು ಹಾವಳಿ ಬೈರೇಗೌಡ ಎಂಬ ಪುತ್ರರಿದ್ದರು ಎಂದು ಹೇಳಲಾಗುತ್ತದೆ. ಇವರೆಲ್ಲರೂ ನೆಲೆಸಿದ ಪ್ರದೇಶವೇ ನಂತರ ಆವತಿ ಗ್ರಾಮವಾಗಿ ಬೆಳವಣಿಗೆಯಾಯಿತು ಎಂಬುದು ಸ್ಥಳೀಯ ನಂಬಿಕೆಯಾಗಿದೆ.
ಮತ್ತೊಂದು ಸ್ಥಳೀಯ ಕಥೆಯ ಪ್ರಕಾರ, ರಣಭೈರೇಗೌಡರ ಏಕೈಕ ಪುತ್ರಿ ದೊಡ್ಡಮ್ಮಳನ್ನು ಆ ಪ್ರದೇಶದ ಯಾಕಿಲ ದೊರೆ ಸೆಲ್ವ ನಾಯಕ ವಿವಾಹವಾಗಲು ಒತ್ತಾಯಿಸಿದ್ದರಿಂದ, ಆ ಕುಟುಂಬವು ಅಲ್ಲಿಂದ ವಲಸೆ ಬಂದು ಆವತಿಯಲ್ಲಿ ನೆಲೆಸಿತು ಎಂದು ಹೇಳಲಾಗುತ್ತದೆ.
ಭೇಟಿ ನೀಡಿ
ಭೇಟಿ ನೀಡಿ
