ಭೀಮಾಂಬಿಕಾ ದೇವಸ್ಥಾನ ಅಥವಾ ಭೀಮವ್ವ ದೇವಸ್ಥಾನವು ಕರ್ನಾಟಕದ ಗದಗ ಜಿಲ್ಲೆಯ ರೋನ್ ತಾಲ್ಲೂಕಿನ ಇಟಗಿಯ ಪಟ್ಟಣದಲ್ಲಿರುವ ಜನಪ್ರಿಯ ಮಠ ಮತ್ತು ದೇವಾಲಯವಾಗಿದೆ. ಇದು ಪ್ರಸ್ತುತಿ ಐತಿಹಾಸಿಕ ದೇವಾಲಯವಾಗಿ ಪ್ರಾಂತೀಯರಿಗೆ ಪ್ರಸಿದ್ದಿ ಪಡೆದಿದೆ. ಇಲ್ಲಿ ಶಂಭುಲಿಂಗ ದೇವಾಲಯ ದೇವಾಲಯದ ಒಳಭಾಗದಲ್ಲಿದ್ದು, ಭೀಮಾಂಭಿಕಾ ದೇವಾಲಯ ಮಠದ ಹೊರಭಾಗದಲ್ಲಿದೆ.
ಈ ದೇವಾಲಯವು ಬೆಂಗಳೂರಿನಿಂದ 422 ಕಿ.ಮೀ, ಹುಬ್ಬಳ್ಳಿಯಿಂದ 99 ಕಿ.ಮೀ, ಗದಗ ನಗರದಿಂದ 55 ಕಿ.ಮೀ ಮತ್ತು ಗದಗ ರೈಲ್ವೆ ನಿಲ್ದಾಣದಿಂದ 53 ಕಿ.ಮೀ ದೂರದಲ್ಲಿದೆ.
ಇತಿಹಾಸ
ಭೀಮಾಂಬಿಕಾ ದೇವಿಯ ತಂದೆ ಸೋಮಣ್ಣ ಮತ್ತು ತಾಯಿ ಹನುಮಮ್ಮರು. 12 ವರ್ಷಗಳ ದಾಂಪತ್ಯ ಜೀವನದ ನಂತರ, ಬನಶಂಕಮ್ಮನ ಆಶೀರ್ವಾದದಿಂದ ಭೀಮಾಂಬಿಕಾ ಜನಿಸಿದರು. ಭೀಮಾಂಬಿಕಾ ದೇವಿಯ ಮೂಲ ಹೆಸರು ಶಂಕರಮ್ಮ, ನಂತರ ಇವರಿಗೆ ಒಗದಾಡಪ್ಪರೊಂದಿಗೆ ಮದುವೆಯಾಗುವ ಅವಕಾಶ ಸಿಕ್ಕಿತು.
ಭೀಮಾಂಬಿಕಾ ದೇವಿಯು ಶಿವಶರಣೆಯಾಗಿ, ಸದಾ ದೇವರಲ್ಲಿ ತಲ್ಲೀನರಾಗಿದ್ದರು. ತಮ್ಮ ಗುರುತತ್ತ್ವ, ಪ್ರೀತಿ ಮತ್ತು ಕರುಣೆಯ ಮೂಲಕ ಅನೇಕ ಜನರಿಗೆ ಸಹಾಯ ಮಾಡುತ್ತಿದ್ದರು ಮತ್ತು ಧಾರ್ಮಿಕ ಜೀವನವನ್ನು ಅನುಸರಿಸಲು ಮಾರ್ಗದರ್ಶನ ನೀಡುತ್ತಿದ್ದರು. ಅವರು ಅನೇಕ ಪವಾಡಗಳನ್ನು ಮಾಡಿದವರು ಮತ್ತು ಭಕ್ತರಿಗೆ ಆಶೀರ್ವಾದ ನೀಡಿದವರೆಂದು ನಂಬಲಾಗಿದೆ.
ಪ್ರಸ್ತುತ, ಅವರ ಕುಟುಂಬದ 8ನೇ ತಲೆಮಾರಿನ ಸದಸ್ಯರು ಮಠದ ಆರೈಕೆ ಮಾಡುತ್ತಿದ್ದಾರೆ.
ಭೇಟಿ ನೀಡಿ