ಜಪದಬಾವಿ ಕರ್ನಾಟಕ ರಾಜ್ಯದ ಗದಗ ಜಿಲ್ಲೆಯ ಗದಗ ತಾಲ್ಲೂಕಿನ ಡಂಬಳ ಎಂಬ ಊರಿನಲ್ಲಿ ಇರುವ ಐತಿಹಾಸಿಕ ಮೆಟ್ಟಿಲುಬಾವಿಯಾಗಿದೆ. ಈ ಬಾವಿಯ ಪ್ರವೇಶದ್ವಾರವು ಪೂರ್ವ ದಿಕ್ಕಿನಲ್ಲಿ ಇದೆ. ಇದು ಸುಮಾರು 22 ಮೀಟರ್ ಉದ್ದ ಮತ್ತು 10 ಮೀಟರ್ ಅಗಲವನ್ನು ಹೊಂದಿದೆ.
ಜಪದ ಬಾವಿ ಡಂಬಳನ ದೂರಗಳು
- ಬೆಂಗಳೂರು – 373 ಕಿ.ಮೀ
- ಗದಗ – 22 ಕಿ.ಮೀ
- ಡಂಬಳ – 1 ಕಿ.ಮೀ
- ಗದಗ ಬೈಪಾಸ್ ರೈಲ್ವೆ ನಿಲ್ದಾಣ – 26 ಕಿ.ಮೀ
ಜಪದಬಾವಿ ಎಂಬುದು ಎರಡು ಪದಗಳ ಸಂಯೋಜನೆಯಾಗಿದೆ: ಜಪ + ಬಾವಿ. ಇಲ್ಲಿ “ಜಪ” ಎಂದರೆ ದೇವರ ನಾಮಪಠಣ ಮತ್ತು “ಬಾವಿ” ಎಂದರೆ ನೀರಿನ ಬಾವಿ. ಈ ಬಾವಿ ಅದರ ವಿನ್ಯಾಸ ಹಾಗೂ ಬಳಕೆಯ ವಿಶೇಷತೆಯಿಂದಾಗಿ ವಿಶಿಷ್ಟವಾಗಿದ್ದು, ಅದರ ಹೆಸರೂ ಅದೇ ರೀತಿ ವಿಶಿಷ್ಟವಾಗಿದೆ. ಬಾವಿಯಲ್ಲಿ ಸ್ನಾನ ಮಾಡಲು ಹಾಗೂ ಬಾವಿಯ ಗೋಡೆಗಳಲ್ಲಿ ಧಾರ್ಮಿಕ ಕ್ರಿಯೆಗಳನ್ನು ನಿರ್ವಹಿಸಲು ಅನುಕೂಲವಾಗುವಂತೆ ಇದನ್ನು ವಿನ್ಯಾಸಗೊಳಿಸಲಾಗಿದೆ. ಆದ್ದರಿಂದಲೇ ಇದಕ್ಕೆ ಈ ಹೆಸರು ಬಂದಿದೆ.
ಈ ಬಾವಿಯ ಪಕ್ಕದಲ್ಲಿ ಸಿದ್ದೇಶ್ವರ ದೇವಸ್ಥಾನವಿದೆ. ಈ ದೇವಸ್ಥಾನವು ಚಾಲುಕ್ಯರ ಕಾಲಕ್ಕೆ ಸೇರಿದದ್ದಾಗಿದ್ದು, ಪ್ರಸ್ತುತ ದೇವಸ್ಥಾನದ ಬಾಗಿಲು ಮತ್ತು ಗೋಡೆಗಳು ಇತ್ತೀಚೆಗೆ ಕಲ್ಲು ಹಾಗೂ ಮಣ್ಣಿನಿಂದ ಮರುನಿರ್ಮಿಸಲ್ಪಟ್ಟಿವೆ.
ಭೇಟಿ ನೀಡಿ