ಆಡುಮಲ್ಲೇಶ್ವರ ಮೃಗಾಲಯ ಕರ್ನಾಟಕ ರಾಜ್ಯದ ಚಿತ್ರದುರ್ಗದಲ್ಲಿ ಇರುವ ಮಿನಿ ಮೃಗಾಲಯವಾಗಿದೆ. ಈ ಮೃಗಾಲಯವನ್ನು 1986 ರಲ್ಲಿ ಆಡುಮಲ್ಲೇಶ್ವರ ಕಿರು ಮೃಗಾಲಯ ಮತ್ತು ಬಾಲವನ ಎಂದು ಸ್ಥಾಪಿಸಲಾಯಿತು.
ಈ ಮೃಗಾಲಯವು ಬೆಂಗಳೂರಿನಿಂದ 223 ಕಿ.ಮೀ ದೂರದಲ್ಲಿದೆ ಮತ್ತು ಚಿತ್ರದುರ್ಗದಿಂದ 06 ಕಿ.ಮೀ ದೂರದಲ್ಲಿದೆ. ಹಾಗೂ ಚಿತ್ರದುರ್ಗ ನಗರ ರೈಲ್ವೆ ನಿಲ್ದಾಣದಿಂದ ಕೇವಲ 10 ಕಿ.ಮೀ ದೂರದಲ್ಲಿದೆ.
ಈ ಮೃಗಾಲಯದ ಮುಖ್ಯ ಉದ್ದೇಶ ಸಾರ್ವಜನಿಕರಿಗೆ ಹಾಗೂ ವಿಶೇಷವಾಗಿ ಮಕ್ಕಳಿಗೆ ಹತ್ತಿರದಲ್ಲಿ ಕಾಡು ಪ್ರಾಣಿಗಳನ್ನು ನೋಡಲು ಮತ್ತು ತಮ್ಮ ನೆರೆಹೊರೆಯಲ್ಲಿರುವ ವನ್ಯಜೀವಿಗಳನ್ನು ಮೆಚ್ಚಲು ಅವಕಾಶವನ್ನು ಸೃಷ್ಟಿಸುವ ದೃಷ್ಟಿಕೋನದೊಂದಿಗೆ ಸ್ಥಾಪಿಸಲಾಯಿತು.
ಇತಿಹಾಸ
ಚಿತ್ರದುರ್ಗ ಅರಣ್ಯ ವಿಭಾಗದ ಮಿತಿಯಲ್ಲಿರುವ ಈ ಮಿನಿ ಮೃಗಾಲಯ ಮತ್ತು ಬಾಲವನವು ಚಿತ್ರದುರ್ಗ ಪಟ್ಟಣದ ದಕ್ಷಿಣಕ್ಕೆ ಚಿತ್ರದುರ್ಗದ ಸಮೀಕ್ಷೆ.ನಂ.26 ರಲ್ಲಿ ಸರಾಸರಿ ಸಮುದ್ರ ಮಟ್ಟದಿಂದ (MSL) 787 ಮೀಟರ್ ಎತ್ತರದಲ್ಲಿದೆ. ಜೋಗಿಮಟ್ಟಿ ಮೀಸಲು ಅರಣ್ಯವನ್ನು ವನ್ಯಜೀವಿ ಅಭಯಾರಣ್ಯವೆಂದು 23 ಡಿಸೆಂಬರ್ 2015 ರಂದು ಸೂಚಿಸಲಾಗಿದೆ. ಮಿನಿ ಮೃಗಾಲಯವು ಅಭಯಾರಣ್ಯದಲ್ಲಿ ಒಂದು ಆವರಣವಾಗಿದ್ದು, 8.5 ಹೆಕ್ಟೇರ್ ಪ್ರದೇಶದಲ್ಲಿ ಹರಡಿದೆ. ಈ ಮಿನಿ ಮೃಗಾಲಯವನ್ನು 12 ಏಪ್ರಿಲ್ 1987 ರಂದು ತೆರೆಯಲಾಯಿತು ಮತ್ತು ಸಾರ್ವಜನಿಕರಿಗೆ ಸಮರ್ಪಿಸಲಾಯಿತು. ಇದು 18 ಸೆಪ್ಟೆಂಬರ್ 2017 ರಿಂದ CZA (ಕೇಂದ್ರ ಮೃಗಾಲಯ ಪ್ರಾಧಿಕಾರ) ದಿಂದ ಗುರುತಿಸಲ್ಪಟ್ಟ ಕರ್ನಾಟಕ ಮೃಗಾಲಯ ಪ್ರಾಧಿಕಾರದ (ZAK) ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ 9 ಮೃಗಾಲಯಗಳಲ್ಲಿ ಒಂದಾಗಿದೆ.
ಭೇಟಿ ನೀಡಿ