ಅಕ್ಕತಂಗಿಯರ ಕೊಳವು ಕರ್ನಾಟಕ ರಾಜ್ಯದ ಮಂಡ್ಯ ಜಿಲ್ಲೆಯ ಪಾಂಡವಪುರ ತಾಲ್ಲೂಕಿನ ಮೇಲುಕೋಟೆಯಲ್ಲಿ ಇರುವ ಒಂದು ಐತಿಹಾಸಿಕ ಹಾಗೂ ಪ್ರವಾಸಿ ತಾಣವಾಗಿದೆ. ಇಲ್ಲಿ ಇರುವ ಕೊಳವನ್ನು ಇಬ್ಬರು ಸಹೋದರಿಯರು ನಿರ್ಮಿಸಿದ್ದಾರೆ ಎಂಬ ಜನಪ್ರಿಯ ನಂಬಿಕೆ ಇದೆ.
ಅಕ್ಕ ತಂಗಿ ಕೊಳದ ದೂರಗಳು
- ಬೆಂಗಳೂರು – 140 ಕಿ.ಮೀ
- ಮಂಡ್ಯ – 39 ಕಿ.ಮೀ
- ಪಾಂಡವಪುರ – 26 ಕಿ.ಮೀ
- ಪಾಂಡವಪುರ ರೈಲ್ವೆ ನಿಲ್ದಾಣ – 28 ಕಿ.ಮೀ
- ಮೈಸೂರು ವಿಮಾನ ನಿಲ್ದಾಣ – 70 ಕಿ.ಮೀ
ನಂಬಿಕೆಗಳ ಪ್ರಕಾರ, ಒಬ್ಬ ಸೋದರಿ ಕೊಳವನ್ನು ನಿರ್ಮಿಸೋಣವೆಂದು ಉತ್ಸಾಹ ತೋರಿದರೆ, ಮತ್ತೊಬ್ಬಳು ಮೊದಲಿಗೆ ಹೆಚ್ಚು ಆಸಕ್ತಿ ತೋರಲಿಲ್ಲವೆಂದು ಹೇಳಲಾಗುತ್ತದೆ. ಆದರೆ ಅಂತಿಮವಾಗಿ ಇಬ್ಬರೂ ಸಹೋದರಿಯರು ಪ್ರತ್ಯೇಕವಾಗಿ ತಲಾ ಒಂದು ಕೊಳವನ್ನು ನಿರ್ಮಿಸಿದರು ಎನ್ನಲಾಗುತ್ತದೆ. ಮೊದಲಿಗೆ ಆಸಕ್ತಿ ತೋರದ ಸೋದರಿ ನಿರ್ಮಿಸಿದ ಕೊಳದ ನೀರು ಕಪ್ಪುರಂಗದಲ್ಲಿದ್ದು, ಇನ್ನೊಬ್ಬಳು ಕಟ್ಟಿಸಿದ ಕೊಳದ ನೀರು ಸ್ಪಟಿಕದಂತೆ ಸ್ವಚ್ಛವಾಗಿದೆ ಎಂಬ ನಂಬಿಕೆ ಇದೆ. ವಾಸ್ತವವಾಗಿ, ಮೊದಲ ಕೊಳದ ನೀರನ್ನು ಬಟ್ಟೆ ಮತ್ತು ಪಾತ್ರೆ ತೊಳೆಯಲು ಬಳಸಲಾಗುತ್ತಿದ್ದು, ಇನ್ನೊಂದು ಕೊಳದ ನೀರನ್ನು ಕುಡಿಯಲು ಬಳಸಲಾಗುತ್ತಿತ್ತು ಎನ್ನಲಾಗುತ್ತದೆ. ಈ ಬಳಕೆಯ ವ್ಯತ್ಯಾಸವೇ ನೀರಿನ ಬಣ್ಣದಲ್ಲಿ ವ್ಯತ್ಯಾಸ ಕಾಣಿಸಿಕೊಳ್ಳಲು ಕಾರಣವೆಂದು ಹೇಳಲಾಗುತ್ತದೆ.
ಈ ಕೊಳಗಳ ನಿರ್ಮಾಣ ಕಾಲ ಸ್ಪಷ್ಟವಾಗಿಲ್ಲ. ಆದರೆ ಇವುಗಳ ಸುತ್ತಲೂ ಸುಂದರವಾಗಿ ನಿರ್ಮಿಸಲಾದ ಗ್ರಾನೈಟ್ ಮೆಟ್ಟಿಲುಗಳು, ಹನುಮಾನ್ ದೇವಸ್ಥಾನ ಮತ್ತು ಕುಲಶೇಖರ ಆಳ್ವಾರರ ಸನ್ನಿಧಿಗಳು ಇದ್ದು, ಈ ಸ್ಥಳವು ಧಾರ್ಮಿಕ ಹಾಗೂ ಐತಿಹಾಸಿಕ ಮಹತ್ವವನ್ನು ಪಡೆದುಕೊಂಡಿದೆ.
ಭೇಟಿ ನೀಡಿ