ಗೂಳೂರು ಮಹಾ ಗಣಪತಿ ದೇವಾಲಯವು ಕರ್ನಾಟಕದ ತುಮಕೂರು ಜಿಲ್ಲೆಯ ತುಮಕೂರು ತಾಲ್ಲೂಕಿನ ಗೂಳೂರು ಗ್ರಾಮದಲ್ಲಿ ಇರುವದೇವಾಲಯವಾಗಿದೆ. ಈ ದೇವಾಲಯವು ಶ್ರೀ ಮಹಾ ಗಣಪತಿಗೆ ಸಮರ್ಪಿತವಾಗಿದೆ. ಇದು ಸ್ಥಳೀಯರ ಭಕ್ತಿ ಕೇಂದ್ರವಾಗಿದ್ದು, ಪ್ರಸಿದ್ಧ ಪವಿತ್ರ ಸ್ಥಳವಾಗಿದೆ.
ಗೂಳೂರು ಮಹಾ ಗಣಪತಿ ದೇವಾಲಯದ ದೂರಗಳು
- ಬೆಂಗಳೂರು – 72 ಕಿ.ಮೀ
- ತುಮಕೂರು – 6 ಕಿ.ಮೀ
- ತುಮಕೂರು ರೈಲ್ವೆ ನಿಲ್ದಾಣ – 6 ಕಿ.ಮೀ
ಇತಿಹಾಸ
ಗೂಳೂರು ಮಹಾ ಗಣಪತಿ ದೇವಾಲಯವು ಇತಿಹಾಸ ಪ್ರಸಿದ್ಧ ಗುರು ಮಹಾಗಣಪತಿ ದೇವಾಲಯವಾಗಿದೆ. ಈ ದೇವಾಲಯದ ಗಣಪತಿ ವಿಗ್ರಹವನ್ನು ಋಗ್ವೇದ ಮಹರ್ಷಿಯವರು ಪ್ರತಿಷ್ಠಾಪಿಸಿದರೆಂದು ನಂಬಲಾಗಿದೆ.
ಈ ಮಹರ್ಷಿಗಳು ಕಾಶಿ ಯಾತ್ರೆಗೆ ತೆರಳುವ ಸಂದರ್ಭದಲ್ಲಿ ಚೌತಿ ಹಬ್ಬದ ದಿನ ಇಲ್ಲಿ ಬಂದರು. ಅವರು ಕೆರೆಯಲ್ಲಿ ಸ್ನಾನ ಮಾಡಿ, ಮಣ್ಣಿನಿಂದ ಗಣಪತಿಯ ಮೂರ್ತಿಯನ್ನು ರೂಪಿಸಿ ಪೂಜೆ ಸಲ್ಲಿಸಿದರು. ಮರುದಿನ ಕಾಶಿಗೆ ಪ್ರಯಾಣಿಸಲು ಹೊರಟಾಗ, ಗಣಪತಿಯ ದಿವ್ಯ ಪ್ರೇರಣೆಯಿಂದ ಇಲ್ಲಿ ತಂಗಬೇಕೆಂಬ ಸಂಕೇತ ದೊರಕಿತು.
ಆ ನಂತರ ಅವರು ಸುಮಾರು ಮೂರು ತಿಂಗಳ ಕಾಲ ಇಲ್ಲಿ ತಪಸ್ಸು, ಪೂಜೆ ಮತ್ತು ಧ್ಯಾನದಲ್ಲಿ ತೊಡಗಿದ್ದರು. ಇದನ್ನು ಕಂಡ ಊರಿನ ಜನರು ಅವರ ಬಗ್ಗೆ ವಿಚಾರಿಸಿದಾಗ, ತಮ್ಮ ತಪಸ್ಸಿನ ಫಲವಾಗಿ ಗಣಪತಿಯ ದಿವ್ಯ ಸಾನ್ನಿಧ್ಯವನ್ನು ಇಲ್ಲಿ ಅನುಭವಿಸಿದ್ದಾಗಿ ಹೇಳಿದರು.
ನಂತರ ಅವರು ಮಣ್ಣಿನಿಂದ ಗಣಪತಿಯ ವಿಗ್ರಹವನ್ನು ನಿರ್ಮಿಸಿ ಪ್ರತಿಷ್ಠಾಪಿಸಿದರು. ಬಳಿಕ ತಮ್ಮ ಕಾಶಿ ಯಾತ್ರೆಯನ್ನು ಮುಂದುವರಿಸಿದರು. ಈ ಗಣಪತಿ ವಿಗ್ರಹವು ಸಾವಿರಾರು ವರ್ಷಗಳ ಇತಿಹಾಸವನ್ನು ಹೊಂದಿದೆ ಎಂದು ನಂಬಲಾಗಿದೆ.
ಭೇಟಿ ನೀಡಿ