ದೇವನಹಳ್ಳಿ ಕೋಟೆಯು ಕರ್ನಾಟಕ ರಾಜ್ಯದ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ದೇವನಹಳ್ಳಿಯಲ್ಲಿರುವ ಐತಿಹಾಸಿಕ ಕೋಟೆಯಾಗಿದೆ. ವಿಜಯನಗರ ಆಳ್ವಿಕೆಯಲ್ಲಿ, ಈ ಕೋಟೆಯನ್ನು ಮಲ್ಲ ಬೈರೇಗೌಡ ಕ್ರಿ.ಶ. 1501 ರಲ್ಲಿ ಅವರು ದೇವನಹಳ್ಳಿಯ ಹಿಂದಿನ ಹೆಸರಾದ ದೇವನದೊಡ್ಡಿಯಲ್ಲಿ ದೇವರಾಯನ ಒಪ್ಪಿಗೆಯೊಂದಿಗೆ ಆರಂಭಿಕ ಮಣ್ಣಿನ ಕೋಟೆಯನ್ನು ನಿರ್ಮಿಸಿದರು.
ಈ ಕೋಟೆಯು ಬೆಂಗಳೂರಿನಿಂದ 36 ಕಿ.ಮೀ ದೂರದಲ್ಲಿದೆ ಮತ್ತು ಇದು ದೇವನಹಳ್ಳಿ ನಗರದ ಹೃದಯಭಾಗದಲ್ಲಿದೆ.
ಇತಿಹಾಸ
ದೇವನಹಳ್ಳಿ ಕೋಟೆಯ ಇತಿಹಾಸವು 15 ನೇ ಶತಮಾನದಷ್ಟು ಹಿಂದಿನದು, ದೇವನಹಳ್ಳಿಯು ಗಂಗವಾಡಿಯ ಒಂದು ಭಾಗವಾಗಿತ್ತು ಮತ್ತು ನಂತರ ರಾಷ್ಟ್ರಕೂಟರು, ನಂದರು, ಪಲ್ಲವರು, ಚೋಳರು, ಹೊಯ್ಸಳರು ಮತ್ತು ವಿಜಯನಗರ ರಾಜರು ಆಳ್ವಿಕೆ ನಡೆಸಿದರು. ವಿಜಯನಗರ ಆಳ್ವಿಕೆಯಲ್ಲಿ ಮಲ್ಲ ಬೈರೇಗೌಡ ಕ್ರಿ.ಶ. 1501 ರಲ್ಲಿ ಅವರು ದೇವನಹಳ್ಳಿಯ ಹಿಂದಿನ ಹೆಸರಾದ ದೇವನದೊಡ್ಡಿಯಲ್ಲಿ ದೇವರಾಯನ ಒಪ್ಪಿಗೆಯೊಂದಿಗೆ ಆರಂಭಿಕ ಮಣ್ಣಿನ ಕೋಟೆಯನ್ನು ನಿರ್ಮಿಸಿದರು. ಕ್ರಿ.ಶ.1749 ರಲ್ಲಿ ನಂಜರಾಜನ ನೇತೃತ್ವದಲ್ಲಿ ಕೋಟೆಯನ್ನು ಮೈಸೂರು ಒಡೆಯರಿಗೆ ಹಸ್ತಾಂತರಿಸಲಾಯಿತು. ಇದನ್ನು ಮರಾಠರು ಹಲವು ಬಾರಿ ವಶಪಡಿಸಿಕೊಂಡರು. ನಂತರ ಹೈದರ್ ಅಲಿ ಮತ್ತು ಟಿಪ್ಪು ಸುಲ್ತಾನರ ನಿಯಂತ್ರಣಕ್ಕೆ ಬಂದಿತ್ತು. 1791 ರಲ್ಲಿ ಮೈಸೂರು ಯುದ್ಧದ ಸಮಯದಲ್ಲಿ ಲಾರ್ಡ್ ಕಾರ್ನ್‌ವಾಲಿಸ್ ನೇತೃತ್ವದಲ್ಲಿ ಬ್ರಿಟಿಷರು ಈ ಕೋಟೆಯನ್ನು ಅಂತಿಮವಾಗಿ ವಶಪಡಿಸಿಕೊಂಡರು.
ಈ ಕೋಟೆಯು 20 ಎಕರೆ ಪ್ರದೇಶದಲ್ಲಿ ಹರಡಿಕೊಂಡಿದೆ. ಕೋಟೆಯು ಸರಿಸುಮಾರು ಅಂಡಾಕಾರದ ಆಕಾರದಲ್ಲಿದೆ ಮತ್ತು ಬೃಹತ್ ಬಂಡೆಗಳಿಂದ ನಿರ್ಮಿಸಲ್ಪಟ್ಟಿದೆ, ಮಧ್ಯಂತರದಲ್ಲಿ 12 ಅರ್ಧವೃತ್ತಾಕಾರದ ಬುರುಜುಗಳಿವೆ. ಕೋಟೆಯ ಒಳಭಾಗದ ಕಡೆಗೆ ವಿಶಾಲವಾದ ಪ್ರದೇಶವಿದೆ. ಕೋಟೆಯು ಪೂರ್ವ ಮತ್ತು ಪಶ್ಚಿಮದಲ್ಲಿ ಕೆತ್ತಿದ ಪ್ಲಾಸ್ಟರ್‌ ವರ್ಕ್‌ನಿಂದ ಅಲಂಕರಿಸಲ್ಪಟ್ಟ ಪ್ರವೇಶ ದ್ವಾರಗಳನ್ನು ಹೊಂದಿದೆ.
ಭೇಟಿ ನೀಡಿ