ಎಡ್ಮುರಿ ಜಲಪಾತವು ಮೈಸೂರು ನಗರದ ಹೊರ ವಲಯದಲ್ಲಿ ಕೆಆರ್‌ಎಸ್ ಮಾರ್ಗದಲ್ಲಿ ಹಾಗೂ ಬಲಮುರಿ ಜಲಪಾತದ ಜೊತೆ ಯಾಗಿ ಬರುವ ಒಂದು ಜಲಪಾತವಾಗಿದೆ. ಎಡ್ಮುರಿ ಜಲಪಾತ ಕರ್ನಾಟಕ ರಾಜ್ಯದ ಮಂಡ್ಯ ಜಿಲ್ಲೆಯ ಮಜ್ಜಿಗೆಪುರ ಗ್ರಾಮದ ಪ್ರದೇಶದಲ್ಲಿರುವ ಒಂದು ಜಲಪಾತ.
ಬೆಂಗಳೂರಿನಿಂದ ಸುಮಾರು 151ಕಿ.ಮೀ ದೂರದಲ್ಲಿದೆ. ಮಂಡ್ಯ ನಗರದಿಂದ ಸುಮಾರು 41ಕಿ.ಮೀ ದೂರದಲ್ಲಿದೆ ಹಾಗೂ ಮೈಸೂರುನಗರ ದಿಂದ 17ಕಿ.ಮೀ ದೂರದಲ್ಲಿದೆ. ಮೈಸೂರು ಹತ್ತಿರದ ರೈಲ್ವೆ ನಿಲ್ದಾಣವಾಗಿದ್ದು ನಿಲ್ದಾಣದಿಂದ 15ಕಿ.ಮೀ ದೂರದಲ್ಲಿದೆ. ಬೃಂದಾವನ ಗಾರ್ಡನ್ ನಿಂದ ಕೇವಲ 4.5ಕಿ.ಮೀ ದೂರದಲ್ಲಿದೆ.
ಕಾವೇರಿ ನದಿಯಿಂದ ನೀರಾವರಿಗಾಗಿ ಕಾಲುವೆಯ ಮೂಲಕ ನೀರು ತರಲು ಅಡ್ಡ ಗೋಡೆಯನ್ನು ನಿರ್ಮಿಸಲಾಗಿದೆ. ಇದು ಜಲಪಾತದ ರೂಪವನ್ನು ಸೃಷ್ಟಿಸಿದೆ. ಈ ಜಲಪಾತವು ನದಿಯ ಹಾದಿಯಲ್ಲಿ 6 ಅಡಿ ಎತ್ತರದ ಕಡಿದಾದ ಕಲ್ಲಿನ ಇಳಿಜಾರಿನೊಂದಿಗೆ ಸೃಷ್ಟಿಯಾಗುವ ಜಲಪಾತವಾಗಿದೆ. ಬೆಟ್ಟಗಳ ಹಚ್ಚ ಹಸಿರಿನ ಹಿನ್ನೆಲೆಯಲ್ಲಿ ಮತ್ತು ಹೊಳೆಯುವ ನೀರಿನ ನೋಟದಲ್ಲಿ, ಜಲಪಾತವು ಶುದ್ಧ ದೃಶ್ಯವನ್ನು ನೀಡುತ್ತದೆ.
ವಾರಾಂತ್ಯದ ಅತ್ಯಂತ ಜನಪ್ರಿಯ ವಿಹಾರ ತಾಣಗಳಲ್ಲಿ ಒಂದೆಂದು ಪರಿಗಣಿಸಲ್ಪಟ್ಟಿರುವ ಈ ತಾಣವು ಹೆಚ್ಚು ಬೇಡಿಕೆಯಿರುವ ಪಿಕ್ನಿಕ್ ತಾಣವಾಗಿದೆ. ಇದು ಈಜು ಮತ್ತು ಇತರ ನೀರಿನ ಆಟಗಳು ಮತ್ತು ಚಟುವಟಿಕೆಗಳಿಗೆ ಸೂಕ್ತವಾಗಿದೆ. ಜಲಪಾತದ ಸಮೀಪದಲ್ಲಿ ಗಣೇಶನ ಪುರಾತನವಾದ ದೇವಾಲಯವೂ ಇದೆ. ಆರಾಮವಾಗಿ ನಡೆಯಲು,ವಿಶ್ರಾಂತಿ ಪಡೆಯಲು ಮತ್ತು ಶಾಂತವಾಗಿ ಕುಳಿತು ರಮಣೀಯ ಸೌಂದರ್ಯವನ್ನು ಪಡೆಯಲು ಸೂಕ್ತ ಸ್ಥಳವಾಗಿದೆ.
ನೀವು ವರ್ಷದ ಯಾವುದೇ ಸಮಯದಲ್ಲಿ ಎಡ್ಮುರಿ ಜಲಪಾತವನ್ನು ಭೇಟಿ ಮಾಡಬಹುದು. ಆದರು ಮಾರ್ಚ್ ನಿಂದ ಜೂಲೈ ತಿಂಗಳ ನಡುವೆ ಭೇಟಿ ನೀಡುವುದು ಉತ್ತಮ. ಈ ಅವಧಿಯಲ್ಲಿ ನೀರಿನ ಮಟ್ಟವು ಕಡಿಮೆಯಾಗಿರುತ್ತದೆ ಮತ್ತು ನೀರಿನ ಚಟುವಟಿಕೆಗಳಿಗೆ ಸುರಕ್ಷಿತವೆಂದು ಪರಿಗಣಿಸಲಾಗಿದೆ.
ಭೇಟಿ ನೀಡಿ