ಮಸ್ಕಿಯು ಕರ್ನಾಟಕ ರಾಜ್ಯದ ರಾಯಚೂರು ಜಿಲ್ಲೆಯಲ್ಲಿರುವ ಒಂದು ಐತಿಹಾಸಿಕ ಪಟ್ಟಣವಾಗಿದ್ದು, ಹೊಸದಾಗಿ ರಚಿಸಲಾದ ತಾಲೂಕು ಕೇಂದ್ರವಾಗಿದೆ. ಮಸ್ಕಿ ಪಟ್ಟಣದಲ್ಲಿ ದೊರೆತ ಅಶೋಕನ ಶಿಲಾಶಾಸನವು ಈ ನಗರಕ್ಕೆ ಅಪಾರ ಐತಿಹಾಸಿಕ ಮಹತ್ವವನ್ನು ತಂದಿದೆ. ಈ ಊರು ಇತಿಹಾಸಪೂರ್ವಕಾಲದ ಪ್ರಮುಖ ನಿವೇಶನವಾಗಿದ್ದು, ಶಾಸನಗಳಲ್ಲಿ “ಮೊಸಂಗಿ” ಎಂದು ಪರಿಚಿತವಾಗಿದೆ.
ಮಸ್ಕಿ ಅಶೋಕ ಶಾಸನದ ದೂರಗಳು
- ಬೆಂಗಳೂರು – 426 ಕಿ.ಮೀ
- ರಾಯಚೂರು – 88 ಕಿ.ಮೀ
- ಮಸ್ಕಿ – 3 ಕಿ.ಮೀ
- ರಾಯಚೂರು ರೈಲ್ವೆ ನಿಲ್ದಾಣ – 90ಕಿ.ಮೀ
ಮಸ್ಕಿಯಲ್ಲಿ ದೊರೆತಿರುವ ಅಶೋಕನ ಶಾಸನಗಳು ಈ ಪಟ್ಟಣಕ್ಕೆ ಅಪಾರ ಐತಿಹಾಸಿಕ ಮಹತ್ವವನ್ನು ತಂದಿವೆ. ಮೌರ್ಯ ವಂಶದ ಚಕ್ರವರ್ತಿ ಅಶೋಕ ಚಕ್ರವರ್ತಿಯ ಶಿಲಾಶಾಸನ ಹೊಂದಿರುವ ಮಸ್ಕಿ, ಐತಿಹಾಸಿಕ ಹಾಗೂ ಧಾರ್ಮಿಕ ಕ್ಷೇತ್ರವಾಗಿ ಪ್ರಸಿದ್ಧಿ ಪಡೆದಿದೆ. ಪ್ರಾಚೀನ ಕಾಲದಲ್ಲಿ “ಮಾಸಂಗಿಪುರ” ಅಥವಾ “ಮೊಸಂಗಿ” ಎಂದು ಕರೆಯಲ್ಪಟ್ಟ ಈ ಸ್ಥಳವು ಇಂದಿನ ಮಸ್ಕಿಯಾಗಿದ್ದು, ಸಾಹಿತ್ಯ ಮತ್ತು ಸಾಮಾಜಿಕ ಕ್ಷೇತ್ರಗಳಲ್ಲಿಯೂ ಮಹತ್ತರವಾಗಿ ಬೆಳೆಯುತ್ತಿದೆ.
“ದೇವನಾಂಪ್ರಿಯ ಅಶೋಕ” ಎಂಬ ಹೆಸರನ್ನು ಹೊಂದಿರುವ ಈ ಶಾಸನವನ್ನು ಕ್ರಿ.ಶ. 1915ರಲ್ಲಿ ಎಂಜಿನಿಯರ್ ಆಗಿದ್ದ ಸಿ. ಬೀಡನ್ ಅವರು ಗುರುತಿಸಿದರು. ಈ ಶಾಸನವು ಬ್ರಾಹ್ಮಿ ಲಿಪಿಯಲ್ಲಿ ಕೆತ್ತಲ್ಪಟ್ಟಿದೆ.
ಇದಲ್ಲದೆ, ಇಲ್ಲಿ ಶಿಲಾಯುಗಕ್ಕೆ ಸೇರಿದ ಅಸ್ಥಿಪಂಜರಗಳು, ವೀರಗಲ್ಲುಗಳು ಮತ್ತು ಪ್ರಾಚೀನ ಶಿಲಾಶಾಸನಗಳು ಪತ್ತೆಯಾಗಿದ್ದು, ಮಸ್ಕಿಯ ಪುರಾತತ್ವ ಮಹತ್ವವನ್ನು ಮತ್ತಷ್ಟು ಹೆಚ್ಚಿಸಿವೆ.
ಭೇಟಿ ನೀಡಿ
