ನವರಾತ್ರಿ ಹಾಗೂ ನಾಗರಪಂಚಮಿಯಲ್ಲಿ ವಿಶೇಷವಾಗಿ ತಯಾರಿಸುವ ಈ ತೊಗರಿ ನುಚ್ಚಿನುಂಡೆಯು ಹಳೆಯ ಕಾಲದ ತಿನಿಸಾಗಿದೆ. ಇದು ಸ್ವಲ್ಪ ಖಾರದ ರುಚಿಯನ್ನು ಹೊಂದಿರುತ್ತದೆ. ಇದನ್ನು ಕಡಲೆಬೇಳೆ ಬಳಸಿ ಸಹ ತಯಾರಿಸುತ್ತಾರೆ. ಇದು ಆರೋಗ್ಯಕರ ತಿನಿಸಾಗಿಯೂ ಪ್ರಸಿದ್ಧವಾಗಿದೆ.
ಈ ನುಚ್ಚಿನುಂಡೆಯನ್ನು ನೀರಿನಲ್ಲಿ ನೆನೆಸಿಟ್ಟ ತೊಗರಿಬೇಳೆ, ಹಸಿ ಮೆಣಸಿನಕಾಯಿ, ಶುಂಠಿ, ತೆಂಗಿನತುರಿ, ಸಬ್ಬಸಿಗೆ ಸೊಪ್ಪು, ಉಪ್ಪು ಮತ್ತು ಜೀರಿಗೆ ಸೇರಿಸಿ ಮಿಕ್ಸಿಯಲ್ಲಿ ರುಬ್ಬಿ, ಉಂಡೆ ಕಟ್ಟಿ ಇಡ್ಲಿ ಪ್ಯಾನ್ನಲ್ಲಿ ಇಟ್ಟು ಬೇಯಿಸಿ ತಯಾರಿಸಲಾಗುತ್ತದೆ. ಎಲ್ಲರೂ ಇಷ್ಟಪಡುವ ಈ ನುಚ್ಚಿನುಂಡೆಯಲ್ಲಿ ಹೆಚ್ಚಿನ ಪ್ರೋಟೀನ್ ಅಂಶವಿದೆ.