ಶ್ರೀ ಶ್ರೀ ನಾಕೋಡಾ ಅವಟಿ 108 ಪಾರ್ಶ್ವನಾಥ ಜೈನ ದೇವಾಲಯವು ಪ್ರಸಿದ್ಧ ಆಧ್ಯಾತ್ಮಿಕ ತಾಣವಾಗಿದೆ. ಈ ದೇವಾಲಯವು ಕರ್ನಾಟಕ ರಾಜ್ಯದ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ದೇವನಹಳ್ಳಿಯಲ್ಲಿ ಇರುವ ಪ್ರಮುಖ ಜೈನ ದೇವಾಲಯವಾಗಿದೆ. ಪಾರಂಪರಿಕ ಜೈನ ವಾಸ್ತುಶಿಲ್ಪದಲ್ಲಿ ನಿರ್ಮಿಸಲಾದ 108 ಜೈನ ದೇವಾಲಯಗಳನ್ನು ಒಳಗೊಂಡಿರುವ ಈ ದೇವಾಲಯವು ಭಾರತದ ಅತಿದೊಡ್ಡ ಜೈನ ದೇವಾಲಯಗಳಲ್ಲಿ ಒಂದಾಗಿದೆ.
ಶ್ರೀ ಶ್ರೀ ನಾಕೋಡ ಅವಂತಿ 108 ಪಾರ್ಶ್ವನಾಥ ಜೈನ ತೀರ್ಥ ಧಾಮದ ದೂರಗಳು
- ಬೆಂಗಳೂರು – 39 ಕಿ.ಮೀ
- ದೇವನಹಳ್ಳಿ – 1 ಕಿ.ಮೀ
ಇತಿಹಾಸ ಪ್ರಿಯರಿಗೆ ಇದು ಅತ್ಯುತ್ತಮ ಸ್ಥಳವಾಗಿದೆ. ಶ್ರೀ ನಾಕೋಡಾ ಅವಟಿ 108 ಪಾರ್ಶ್ವನಾಥ ಜೈನ ದೇವಾಲಯದ ಕುರಿತು ಹೇಳುವುದಾದರೆ, ದೇವಾಲಯದ ಟ್ರಸ್ಟ್ನ ಅಧ್ಯಕ್ಷ ರಾಜೇಶ್ ಕೆ. ಜೈನ್ ಅವರ ತಂದೆಯವರು 1990ರ ದಶಕದ ಅಂತ್ಯದಲ್ಲಿ ದೇವಾಲಯದ ನಿರ್ಮಾಣಕ್ಕಾಗಿ 11 ಎಕರೆ ಭೂಮಿಯನ್ನು ದಾನ ಮಾಡಿದರು.
ಈ ದೇವಾಲಯವನ್ನು ಮುಖ್ಯವಾಗಿ ರಾಜಸ್ಥಾನದಿಂದ ತರಿಸಲಾದ ಅಮೃತಶಿಲೆ ಹಾಗೂ ಮೃದುವಾದ ಕಲ್ಲುಗಳನ್ನು ಬಳಸಿ ನಿರ್ಮಿಸಲಾಗಿದೆ. ಇಲ್ಲಿ ಸುಮಾರು 300 ವಿಗ್ರಹಗಳನ್ನು ಪ್ರತಿಷ್ಠಾಪಿಸಲಾಗಿದೆ. ಈ ದೇವಾಲಯದ ರಚನೆಯು ಅತ್ಯಂತ ವಿಶಿಷ್ಟವಾಗಿದ್ದು, ಪ್ರಮುಖ ಧಾರ್ಮಿಕ ತಾಣವಾಗಿ ಗುರುತಿಸಿಕೊಂಡಿದೆ. ಆದ್ದರಿಂದ ಶ್ರೀ ನಾಕೋಡಾ ಅವಟಿ 108 ಪಾರ್ಶ್ವನಾಥ ಜೈನ ದೇವಾಲಯವನ್ನು ಭಾರತದ ಅತಿದೊಡ್ಡ ಜೈನ ದೇವಾಲಯಗಳಲ್ಲಿ ಒಂದೆಂದು ಪರಿಗಣಿಸಲಾಗುತ್ತದೆ. ಇದರ ವಿಶೇಷತೆಯೆಂದರೆ, ಮುಖ್ಯ ದೇವಾಲಯವು 108 ಸಣ್ಣ ದೇವಾಲಯಗಳಿಂದ ಸುತ್ತುವರಿದಿದೆ.
ದೇವಾಲಯದ ಸಂಕೀರ್ಣವನ್ನು ಪ್ರವೇಶಿಸುತ್ತಿದ್ದಂತೆಯೇ, ಪ್ರಶಾಂತ ವಾತಾವರಣ ಮತ್ತು 117 ಗೋಪುರಗಳ ಮೇಲಿರುವ ಸಣ್ಣ ಘಂಟೆಗಳ ನಾದವು ದೈವಿಕ ಅನುಭವವನ್ನು ಉಂಟುಮಾಡುತ್ತದೆ. ಅಲ್ಲಿನ ಶಾಂತ ವಾತಾವರಣವು ಆಧ್ಯಾತ್ಮಿಕ ಜಾಗೃತಿಯನ್ನು ನೀಡುತ್ತದೆ ಹಾಗೂ ವಾಸ್ತುಶಿಲ್ಪವು ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಎಲ್ಲಾ ಗೋಪುರಗಳಲ್ಲಿರುವ ವಿಗ್ರಹಗಳ ಶೈಲಿ ಮತ್ತು ಆಕಾರಗಳು ಪರಸ್ಪರ ವಿಭಿನ್ನವಾಗಿವೆ. ವೈಶಿಷ್ಟ್ಯಪೂರ್ಣ ಅಲಂಕಾರಗಳಿಂದ ಕೂಡಿರುವ ಆಕರ್ಷಕ ನೆಲದ ವಿನ್ಯಾಸ (ಫ್ಲೋರಿಂಗ್) ವಿಶೇಷವಾಗಿ ಗಮನ ಸೆಳೆಯುತ್ತದೆ. ಕೆಲವು ಪಾರ್ಶ್ವನಾಥರ ವಿಗ್ರಹಗಳನ್ನು ಅಮೃತಶಿಲೆಯಿಂದ ಕೆತ್ತಲಾಗಿದೆ. ದೇವಾಲಯವು 108 ತೀರ್ಥಂಕರರ ವಿಗ್ರಹಗಳನ್ನು ಒಳಗೊಂಡಿದೆ. ದೇವಾಲಯದ ಸಂಪೂರ್ಣ ಸಂಕೀರ್ಣವನ್ನು ವೀಕ್ಷಿಸಿ ಅದರ ಆಧ್ಯಾತ್ಮಿಕ ಹಾಗೂ ವಾಸ್ತುಶಿಲ್ಪದ ವೈಶಿಷ್ಟ್ಯಗಳನ್ನು ಅನುಭವಿಸಿದಾಗ ಮನಸ್ಸು ಮುದಗೊಳ್ಳುತ್ತದೆ.
ಭೇಟಿ ನೀಡಿ