ಹೇಮಗಿರಿ ಜಲಪಾತ ಮತ್ತು ಹೇಮಗಿರಿ ಬೆಟ್ಟವು ಕರ್ನಾಟಕ ರಾಜ್ಯದ ಮಂಡ್ಯ ಜಿಲ್ಲೆಯಾ ಕೃಷ್ಣರಾಜಪೇಟೆ ತಾಲ್ಲೂಕಿನ ಬಂಡಿಹೊಳೆ ಗ್ರಾಮದಲ್ಲಿ ನೆಲೆಗೊಂಡಿರುವ ಒಂದು ರಮಣೀಯ ಜಲಪಾತವಾಗಿದೆ. ಹೇಮಗಿರಿ ಜಲಪಾತವು ಹೇಮಾವತಿ ನದಿಗೆ ಅಡ್ಡಲಾಗಿ ನಿರ್ಮಿಸಲಾದ ಒಂದು ಕಿರು ಆಣೆಕಟ್ಟು. 1880 ರಲ್ಲಿ ಹೇಮಾವತಿ ನದಿಗೆ ಅಡ್ಡಲಾಗಿ 415 ಮೀಟರ್ ಉದ್ದದ ಆಣೆಕಟ್ಟನ್ನು ಇಲ್ಲಿ ನಿರ್ಮಿಸಲಾಯಿತು ಈ ಆಣೆಕಟ್ಟುನ್ನು ಸುತ್ತಮುತ್ತಲಿನ ಹಳ್ಳಿಗಳಿಗೆ ಮತ್ತು ಅವರ ಕೃಷಿಭೂಮಿಗಳಿಗೆ ನೀರು ಸರಬರಾಜು ಮಾಡುವ ಉದ್ದೇಶದಿಂದ ರೂಪುಗೊಂಡಿದೆ.
ಈ ಸ್ಥಳವು ಬೆಂಗಳೂರಿನಿಂದ ಸುಮಾರು 165 ಕಿ.ಮೀ, ಮಂಡ್ಯದಿಂದ 69 ಕಿ.ಮೀ ದೂರದಲ್ಲಿದೆ. ಹಾಗೂ ಕೃಷ್ಣರಾಜಪೇಟೆ ತಾಲೂಕಿನಿಂದ 10 ಕಿ.ಮೀ ದೂರದಲ್ಲಿದೆ.
ಹೇಮಗಿರಿ ಬೆಟ್ಟವು ಹೇಮಾವತಿ ನದಿಯಿಂದ ಸುತ್ತುವರೆದಿರುವ ಒಂದು ಸಣ್ಣ ಬೆಟ್ಟವಾಗಿದ್ದು, ಆದ್ದರಿಂದ ಹೇಮಗಿರಿ ಎಂಬ ಹೆಸರು ಬಂದಿದೆ. ಬೆಟ್ಟದ ಮೇಲಿರುವ ವೆಂಕಟರಮಣಸ್ವಾಮಿ ದೇವಾಲಯವು ಆಧುನಿಕ ರಚನೆಯಾಗಿದ್ದು, ಇದನ್ನು ವಿಷ್ಣು ತನ್ನ ನಿವಾಸ ವೈಕುಂಠದಿಂದ ಆಗಾಗ್ಗೆ ಭೇಟಿ ನೀಡುವ ಪವಿತ್ರ ಸ್ಥಳವೆಂದು ದಂತಕಥೆಯೊಂದು ಉಲ್ಲೇಖಿಸುತ್ತದೆ. ಪ್ರತಿ ವರ್ಷ ಜನವರಿ ತಿಂಗಳಲ್ಲಿ, ವೆಂಕಟರಮಣಸ್ವಾಮಿಗೆ ರಥೋತ್ಸವ ಮತ್ತು ದೋಣಿ ತೆಪ್ಪ ಉತ್ಸವವನ್ನು ನಡೆಸಲಾಗುತ್ತದೆ.
ಸುಮಾರು ಒಂದೂವರೆ ಚದರ ಮೈಲಿ ವಿಸ್ತೀರ್ಣದ ವಿಶಾಲವಾದ ಹೊಲವಾದ ಹೋರಿ ಮೇಳದಲ್ಲಿ ನಡೆಯುವ ದನಗಳ ಜಾತ್ರೆಗಾಗಿ ರಾಜ್ಯದ ವಿವಿಧ ಮೂಲೆಗಳಿಂದ ಉತ್ಸವ ಪ್ರಾರಂಭವಾಗುವ 15 ದಿನಗಳ ಮೊದಲು ರೈತರು ಈ ಸ್ಥಳಕ್ಕೆ ಭೇಟಿ ನೀಡುತ್ತಾರೆ. ಎಲ್ಲಾ ಅಂಶಗಳಿಂದ, ಈ ಜಾತ್ರೆಯು ಜಿಲ್ಲೆಯ ವಿಶೇಷ ಆಕರ್ಷಣೆಯಾಗಿದ್ದು, ನೋಡುವ ಮೂಲಕ ಮಾತ್ರ ಆನಂದಿಸಬಹುದು. ಈ ಸ್ಥಳವು ಭೇಟಿ ನೀಡಲು ಯೋಗ್ಯವಾದ ಸ್ಥಳವಾಗಿದೆ.
ಭೇಟಿ ನೀಡಿ