ವಿಘ್ನಸಂತೆ ಬಾಲಲಿಂಗೇಶ್ವರ ದೇವಾಲಯವು ಕರ್ನಾಟಕ ರಾಜ್ಯದ ತುಮಕೂರು ಜಿಲ್ಲೆಯ ತಿಪಟೂರು ತಾಲೂಕಿನ ವಿಘ್ನಸಂತೆ ಗ್ರಾಮದಲ್ಲಿ ಇರುವ ಶಿವ ದೇವಾಲಯವಾಗಿದೆ. ಭಕ್ತರ ಭಕ್ತಿಗೆ ಮೆಚ್ಚಿ ಶಿವನು ಬಾಲ ಶಿವನ ರೂಪದಲ್ಲಿ ಇಲ್ಲಿ ನೆಲೆಸಿದ್ದಾನೆ ಎಂಬ ನಂಬಿಕೆ ಈ ದೇವಾಲಯಕ್ಕೆ ಸಂಬಂಧಿಸಿದೆ.
ವಿಘ್ನಸಂತೆ ಪುರಾತನ ಹೊಯ್ಸಳ ಶ್ರೀ ಬಾಲಲಿಂಗೇಶ್ವರ ದೇವಸ್ಥಾನದ ದೂರಗಳು
- ಬೆಂಗಳೂರು – 137 ಕಿ.ಮೀ
- ತುಮಕೂರು – 81 ಕಿ.ಮೀ
- ತಿಪಟೂರು – 19 ಕಿ.ಮೀ
- ಕರಡಿ ರೈಲ್ವೆ ನಿಲ್ದಾಣ – 17 ಕಿ.ಮೀ
- ತಿಪಟೂರು ರೈಲ್ವೆ ನಿಲ್ದಾಣ – 18 ಕಿ.ಮೀ
ಈ ದೇವಾಲಯವು ತ್ರಿಕೂಟಾಲಯವಾಗಿದ್ದು, ಅನಂತರದ ಕಾಲಘಟ್ಟದಲ್ಲಿ ಹಲವು ಬದಲಾವಣೆಗಳಿಗೆ ಒಳಪಟ್ಟಿದೆ. ದೇವಾಲಯವು ಕದಂಬ-ನಾಗರ ಶೈಲಿಯ ಶಿಖರವನ್ನು ಹೊಂದಿದ್ದು, ಮೂರು ಗರ್ಭಗೃಹಗಳು, ನವರಂಗ ಮತ್ತು ಸಣ್ಣ ಮುಖಮಂಟಪವನ್ನು ಒಳಗೊಂಡಿದೆ.
ನವರಂಗದಲ್ಲಿ ಗಣೇಶ, ವೀರಭದ್ರ, ಕಾಲಭೈರವ ಮುಂತಾದ ಅನಂತರ ಕಾಲದ ಶಿಲ್ಪಗಳನ್ನು ಕಾಣಬಹುದು. ಗರ್ಭಗೃಹದಲ್ಲಿ ಸಣ್ಣ ಶಿವಲಿಂಗವಿದೆ. ಶಿಖರದ ಮೇಲ್ಭಾಗದಲ್ಲಿ ಶೈವ ದೇವತೆಯನ್ನು ಪ್ರತಿನಿಧಿಸುವ ಕೀರ್ತಿಮುಖ ಶಿಲ್ಪವಿದೆ.
ಪ್ರತಿ ಮುಖಭಾಗದಲ್ಲಿಯೂ ಸುಕನಾಸಿಯ ಮೇಲಿನ ವಿಭಾಗದಲ್ಲಿ ಹುಲಿಯನ್ನು ಕೊಲ್ಲುತ್ತಿರುವ ಸಳನ ಶಿಲ್ಪವನ್ನು ಕಾಣಬಹುದು. ನವರಂಗವು ಪೂರ್ವ ಮತ್ತು ದಕ್ಷಿಣ ದ್ವಾರಗಳನ್ನು ಹೊಂದಿದೆ. ನವರಂಗದ ಒಳಭಾಗದಲ್ಲಿ ನಾಲ್ಕು ಸ್ತಂಭಾಕಾರದ ಕಂಬಗಳಿವೆ.
ಭೇಟಿ ನೀಡಿ